السلام عليكم ورحمه الله وبركاته :
,,, لاااا للريجيم ...نعم للنظام في الاكل الصحي والرياضه ,,,<<هذا هو شعارنا
نبدا على بركه الله افتتاح قروب المحبطات اللي وزنهم مايتزحزح بسهوله
اللي شحومها متمسكه فيها وموهاين عليها تفارقها <<انا
تعالوا نقوم بحمله ضد هالشحوم ونطردها بقوه واصرار طردة<<تنوين ..لا رجعه فيها باذن الله .
اللي تبي تشارك حياها الله ...شروط الالتحاق بالكليه <<<< خخخخ صدقت عمري
المهم ...ماعندي شروط .. بس قروبنا راح يكون غير
اولا ::::لا تكتبين شنو كلتي وماكلتي بالضبط ..<<براحتج ... انتي مو بمحكمه
اكتبي وزنج الحين وهدفج القريب مو البعيد ...يعني بعد اسبوعين او 10 ايام كم تبين تنزلين ..وبعدها نحط هدف ثاني لمده اسبوعين ..وهكذا عشان نشوف الفتره قصيره والهدف قريب ونتحمس .
وتعطينا الزبده بعد اسبوعين وتقولين كم صار وزنج وايش كان نظامج .
يعني ماراح نتكلم عن شي الا بعد تطبيقه ورؤية نتائجه ..يعني لحد يقول بمشي على هالنظام وبسوي وبسوي ..لااااااااااااا ..اول طبقيه وبعدين عطينا اخبارج ( استعينوا على قضاء حوائجكم بالكتمان ) فهمتوا قصدي <<تعبت وانا اشرح
ثانيا::::: تدخلين القروب للفضفضه والتشجيع والاستفسار عن شي والسؤال عن شلة الانس وشحومها .
والله الله بالصور اللي تشجع ( من صور رشيقات ..او رياضه عجبتج تحطينها نستفيد معاج .. )
واللي عندها برامج عن التغذيه او الريجيم ونصايح سواء يوتيوب او في مواقع ثانيه تحطه لنا عشان نتشجع)
ثالثا ::: لاااااااااااااااااااا لكلمات الاحباط .... لازم نكون قويات <<<
(واللي تحس بتعب او احباط جزائها انها تروح تدور لنا برنامج عن الدايت او الغذاء الصحي او صوره جسم حلو او اورياضه مفيده وتحطها لنا ) واذا مالقت ...تقول لنا نكته ...عشان توسع صدرها وصدرنا خخخخخخخخخ
وانتوا براحتكم بالدخول اي وقت
ولكم وحياكم الله
بسم الله نبدأ
الاسم اوراق
الوزن <<<غمضوا اول >>85
الهدف القريب 81
خلاص خلصت هذرة والحين المايك لكم
lمنقووول للفائدهــ
موضوع: لالالاللرجيم نعم للنظام الصحي 
الأربعاء مارس 09, 2011 10:25 am
